మూవీ : విద్య వాసుల అహం
youtub Link
మూవీ : విద్యా వాసుల అహం
విడుదల తేదీ : మే 17, 2024
నటీనటులు: రాహుల్ విజయ్, శివాని రాజశేఖర్, అవసరాల శ్రీనివాస్, అభినయ, శ్రీనివాస్ రెడ్డి, రవివర్మ అడ్డూరి, కాశీ విశ్వనాథ్, రూప లక్ష్మి, రాజశ్రీ నాయర్, తదితరులు
దర్శకుడు: మణికాంత్ గెల్లి
నిర్మాతలు: నవ్య మహేష్ ఎమ్, రంజిత్ కుమార్ కొడాలి, చందన కట్ట
సంగీత దర్శకుడు: కల్యాణి మాలిక్
సినిమాటోగ్రఫీ: అఖిల్ వల్లూరి
ఎడిటింగ్: సత్య గిడుతూరి
రాహుల్ విజయ్ – శివాని రాజశేఖర్ జంటగా నటించిన విద్యా వాసుల అహం -17-మే-2024 నేరుగా ఆహా ఓటీటీ ప్లాట్ఫారమ్లో విడుదలైంది. మరి ఈ వెబ్ మీకు నచ్చుతుందా ? లేదా ? అనేది మా సమీక్షలోకి వెళ్లి తెలుసుకుందాం.
స్టోరీ :
వైజాగ్ నేపథ్యంలో ఈ చిత్రం సాగుతుంది. విద్య (శివానీ రాజశేఖర్) అనే అమ్మాయి, తన లైఫ్ భాగస్వామి కోసం మంచి ఉన్నత ప్రమాణాలను గల వ్యక్తి కోసం వెతుకుతుంది. తన పరీక్షల్లో నెగ్గిన వరుడినే పెళ్లి చేసుకుంటాను అని ఆమె తన తల్లిదండ్రులను కూడా ఒప్పిస్తోంది. ఈ క్రమంలో వాసు (రాహుల్ విజయ్) ఆమె జీవితంలోకి వస్తాడు. వాసు మెకానికల్ ఇంజనీర్. విద్య – వాసు సంతోషంగా వివాహం చేసుకుంటారు. అయితే, రోజులు గడిచేకొద్ది, వారి అహంభావాలు వారి మధ్య సంబంధాన్ని, బంధాన్ని ప్రభావితం చేస్తాయి. ఈ క్రమంలో జరిగిన కొన్ని నాటకీయ పరిణామాల తో ఈ కథ ఎలా ముగిసింది ? అనేది మిగిలిన స్టోరీ.
ఎక్కువ మార్కులు :
రాహుల్ విజయ్ తన పాత్రకు న్యాయం చేశాడు. మూవీ సన్నివేశాల్లో తన పాత్రకు తగ్గట్టుగా ఫుల్ ఎనర్జీని ప్రదర్శించాడు. అలాగే మంచి కామెడీ టైమింగ్ ఫేస్ కట్ లుకింగ్ తో రాహుల్ విజయ్ బాగానే అలరించాడు. ఇక గ్లామర్ టచ్తో సంతృప్తికరమైన నటనను కనబరుస్తూ శివాని రాజశేఖర్ కూడా చాలా బాగా ఆకట్టుకుంది.మూవీ లో తన పాత్రకు పూర్తి న్యాయం చేసింది.
మొత్తానికి ఈ యువ జంట తమ పాత్రలకు సరిగ్గా సరిపోయారు. ఇక కొన్ని సన్నివేశాలు కూడా మూవీ ఆకర్షణను పెంచుతాయి. అదనంగా, కొన్ని చోట్ల సంగీతం కూడా బాగా కుదిరింది. అవసరాల శ్రీనివాస్, అభినయ, శ్రీనివాస్ రెడ్డి తమ పాత్రల్లో ఒదిగిపోయారు. అలాగే , రవివర్మ అడ్డూరి, కాశీ విశ్వనాథ్, రూప లక్ష్మి, రాజశ్రీ నాయర్ మరియు మిగిలిన నటీనటులు కూడా తమ పాత్రలకు తగినంత గా పూర్తి న్యాయం చేశారు.మంచి ఫ్యామిలి మూవీ
తక్కువ మార్కులు :
మూవీ ట్రైలర్ను చూసిన తర్వాత, ఈ చిత్ర కథాంశంతో పాటు స్క్రీన్ ప్లే కూడా ఊహించిన విధంగానే సాగుతుంది. అదే సరళమైన కథనాన్ని జోడించి, హీరో హీరోయిన్ల మధ్య ఇంకా బలమైన సన్నివేశాలను పెట్టి, ఆకట్టుకునే సంభాషణలను జోడించి ఉంటే.. ఈ సినిమాకి బాగా ప్లస్ అయ్యేది. కానీ దర్శకుడు ఈ సినిమాను ఆ విధంగా ఎలివేట్ చేయలేకపోయాడు.
మరోవైపు, రాహుల్ విజయ్ పనితీరు సంతృప్తికరంగా ఉన్నప్పటికీ, మూవీ లో ఇంకా కొన్ని సన్నివేశాలను జోడిస్తే బాగుండు అనిపిస్తాయి. దురదృష్టవశాత్తు, సహాయక తారాగణం కూడా పరిమిత స్క్రీన్ స్పేస్ కే పరిమితం అయ్యింది. మరియు,నటనా ప్రదర్శనలు కూడా కథకు ప్లస్ అవ్వలేకపోయాయి.
మొత్తానికి, ప్రధాన పాత్రల మధ్య నెలకొన్న అహం, ఆ అహం కారణంగా వారి జీవితాల్లో జరిగిన సంఘటనలను దర్శకుడు సమర్థవంతంగా ఉపయోగించుకోవడంలో విఫలమయ్యాడు. పైగా క్లుప్తమైన రన్టైమ్ ఉన్నప్పటికీ, స్లోగా ఉన్న సన్నివ్శాలతో ఈ సినిమా ఆకట్టుకోలేకపోయింది.
సాంకేతిక పరమైన విభాగం:
దర్శకుడు మణికాంత్ గెల్లి మంచి పాయింట్ ను మరియు ప్రతిభావంతులైన లీడ్ పెయిర్ని ఎంచుకున్నాడు కానీ, మరింత ఆకర్షణీయమైన స్క్రీన్ప్లే ను మాత్రం రాసుకోలేకపోయాడు. ఇక కల్యాణి మాలిక్ సంగీతం బాగానే ఉంది. మరియు కొన్ని సన్నివేశాలను ఇంకా బెటర్ గా సత్య గిడుతూరి ఎడిట్ చేసి ఉంటే బాగుండు. అఖిల్ వల్లూరి సినిమాటోగ్రఫీ మరియు నిర్మాణ విలువలు సంతృప్తికరంగా ఉన్నాయి.
అభి ప్రాయం :
మొత్తమ్మీద, ఈ చిత్రంలోని ప్రధాన నటీనటులు ఫ్రేక్షకులను అలరించినా.., చిత్రం లో కొన్ని కామెడీ సీన్ లను జోడించ టం లో మాత్రం నిరాశపరిచింది. మొత్తానికి ఫ్యామిలీతో చూడ ధగిన మూవీ
మూవీ కొన్ని చొక్క్లెట్స్ : 1. అమ్మాయికి పెళ్లి చేసేది మా భాద్యత తీర్చికోవటా నికి అబ్బాయికి పెళ్లి చేసేది మీరు భాద్యత తెలుసుకోవటానికి
2. ఒంటరిగా ఎంత సాదించినా చివరికి ఒంటరితనమే మిగులుతుంది.
3. దేవుడు ఒక జీవిని రెండుగా చేసి వేరు వేరు ప్రదేశాల్లో పడేస్తాడు సమయం వచ్చినప్పుడు ఆ రెండు ఒక్కటి అవటమే వివాహం
4. నేను మంచి వైఫ్ నో కాదో తెలియదు కానీ డెఫినేట్ గా నీ మంచి కోరే వ్యక్తినే
భార్య భర్త ల మద్య ఈగో సూర్యోదయo .సూర్యాస్తమయం లా ఉంటేనే ( ఉద్యోగస్తుల ) లైఫ్ బాగుంటుంది
కామెంట్లు లేవు:
కామెంట్ను పోస్ట్ చేయండి