ది ఫ్యామిలీ స్టార్

 

 ది ఫ్యామిలీ స్టార్

youtub Link

విడుదల తేదీ : ఏప్రిల్ 5, 2024

ట్రైలర్ లింక్స్: ట్రైలర్

నటీనటులు: విజయ్ దేవరకొండ, మృణాల్ ఠాకూర్, జగపతిబాబు, వెన్నెల కిషోర్, అభినయ, ప్రభాస్ శ్రీను మరియు ఇతరులు

నిర్మాత: దిల్ రాజు

దర్శకుడు: పరశురాం పెట్ల

సంగీత దర్శకులు: గోపీ సుందర్

సినిమాటోగ్రాఫర్‌: కే యూ మోహనన్

ఎడిటింగ్: మార్తాండ్ కే వెంకటేష్

క్రేజీ టాలీవుడ్ కాంబినేషన్  హీరో విజయ్ దేవరకొండ మరియు మృణాల్ ఠాకూర్ లు హీరో హీరోయిన్ లుగా నటించిన దర్శకుడు పరశురాం పెట్ల రూపొందించిన మూవీ  “ది ఫ్యామిలీ స్టార్”. ఇక ఈ వేసవి కానుకగా కుటుంబ ప్రేక్షకులను అలరించేందుకు వచ్చిన ఈ చిత్రం అంచనాలు అందుకుందో లేదో వేచి  చూడాలి మరి .

కథ :

ఇక కథలోకి వస్తే ఒక సాధారణ మధ్య తరగతి కుటుంబానికి చెందిన యువకుడు గోవర్ధన్ (విజయ్ దేవరకొండ) ఒక ఆర్కిటెక్ట్ ఇంజినీర్ చిన్నపాటి ఉద్యోగంతో తన కుటుంబ బాధ్యతలని అదుపు పొదుపులతో ఆదాయానికి తగ్గట్టుగానే ఖర్చులతో ఆ బరువు లను మోస్తాడు. అ సమయంలో తన జీవితంలోకి తన ఇంటి మీదకి అద్దెకి ఉండేందుకు ఓ అమ్మాయి ఇందు (మృణాల్ ఠాకూర్) వచ్చాక తన లైఫ్ ఎలా టర్న్ అవుతుంది? అసలు ఆమె తన జీవితం లోకి ఎందుకు వచ్చింది ఈ నేపథ్యంలో వారికి ఎదురైన సవాళ్లు ఏంటి? వాళ్ళు కలుస్తారా లేదా? అసలు ఇందు ఎవరు? చివరికి ఈ ఫ్యామిలీ స్టార్ ఏం చేస్తాడు అనేది వెండితెరపై చూడాల్సిందే.

 

ఎక్కువ మార్కులు  :

ఇక మూవీ లోకి వెళితే మొదటగా నటీనటులు కోసం మాట్లాడుకున్నట్టు అయితే హీరో పాత్రా లో విజయ్ దేవరకొండ ఒక పర్ఫెక్ట్ ఫ్యామిలీ మ్యాన్ గా అయితే ఈ సినిమాలో కనిపిస్తాడు అని చెప్పాలి. తన  ఫ్యామిలీతో సాగే కొన్ని సన్నివేశాలు మిడిల్ క్లాస్ ఫ్యామిలీస్ కి టచ్ అవ్వొచ్చు. అలాగే తన పాత్రలో వేరియేషన్స్ ని కూడా విజయ్ బాగా పండించాడు. అలాగే తనపై కొన్ని మాస్ మూమెంట్స్ ఫ్యాన్స్ కి నచ్చవచ్చు.డైరెక్టర్  పరశురాం పెట్ల మూవీ ని మద్యతరగతి  ఫ్యామిలీ కుటుంబం లో ఇంటి బాద్యతలు తీసుకునే వక్తి ఎఅలాంటి సమస్యలను ఎదురు కుంటాడో మూవీ లో చాల చక్కగా వ్యక్తీకరించే ప్రయత్నం చేసాడు .మూవీ నిజంగా ఫ్యామిలీ తో చూసే మంచి ఫ్యామిలీ మూవీ గా పరుశురాం పెట్ల మలిచారు.

ఇక హీరోయిన్ మృణాల్ ఠాకూర్ తన పాత్రలో డీసెంట్ పెర్ఫామెన్స్ తో మెప్పిచింది అని చెప్పవచ్చు. ఇద్దరి నడుమ కెమిస్ట్రీ కొన్ని సీన్స్ కి తగినట్టుగా తీర్చి దిద్దారు . అలాగే ఆమె తన డీసెంట్ లుక్స్ నేచురల్ పెర్ఫామెన్స్ బాగున్నాయి. ఇంకా వీరితో పాటు జగపతిబాబు తన పాత్రలో ప్రేక్షకులను మెప్పించాడు,మరియు వెన్నెల కిషోర్ ఇంకా సీనియర్ నటి రోహిణి హట్టంగడి తదితరులు తమ పాత్రలకు తగినంతగా న్యాయం చేశారు.

తక్కువ మార్కులు  :

ఇక చిత్రంలో మనస్సుకు హత్హుకునే  అంశాలు కంటే నొప్పించే అంశాలే కాస్త ఎక్కువగా అనిపిస్తావి అనే  చెప్పాలి. సింపుల్ కాన్సెప్ట్ అయినప్పటికీ సినిమాలో ఆకట్టుకునే అంశాల కథనం ఒక ఫ్లో మిస్ అయ్యింది. డైరెక్టర్  పరశురాం పెట్ల కొన్ని సీన్స్ పాతగా అనిపించినా కోత్తగా అనిపించే ప్రయత్నం చేసాడు .కొన్ని సన్నివేశాలు సాగదీతగా సాగే కథనం మొదటి బాగం రెండోవ బాగంలో కూడాకొనసాగించాడు. అసలు సినిమా మెయిన్ అంశం లోకి వెళ్ళడానికి చాలా సమయం పడుతుంది.

పోనీ అంతవరకు కథనం ఏమన్నా ఆసక్తిగా ఉందా అంటే అదీ కనిపించదు. సరైన ఎంటర్టైన్మెంట్ లేదు కొన్ని ఎమోషన్స్ సీన్స్ ను మూవీ లో జోడించితే బాగుండు . ఈ లోపం సినిమా మొదలు నుంచి చివరి వరకు కనిపిస్తుంది. ఇక వీటితో పాటుగా మృణాల్ పాత్ర విజయ్ ని కలవడం వారిద్దరి సీన్స్ లో పొంతన కనిపించదు (వీరిద్దరి మద్య బ్యాక్ గ్రౌండ్ లో తగినట్టుగా స్టోరి ని జోడించితే బాగుండు హీరొయిన్ ఏ బేసిక్ ఫై హీరో కోసం అతని ఇంటికి వస్తుందో చూపిస్తే బాగుండు). అలాగే విజయ్ పై కొన్ని సన్నివేశాలు అతిగా అనిపిస్తాయి.

ఇంకా వాసుకి, అభినయ లాంటి నటులకు పెద్ద ఇంపార్టెన్స్ కనిపించదు. ఇంకా విజయ్, పరశురాం నుంచి గీతా గోవిందం లాంటి సాలిడ్ ఎంటర్టైనర్ చూసి ఈ సినిమా విషయంలో అంచనాలు పెట్టుకొని చూసేవారు కాస్త డిసప్పాయింట్  అవ్వొచ్చు. అలాగే జస్ట్ కొన్ని సీన్స్ బాగున్నా సెకండ్ అఫ్ స్టోరి ఇంకాస్త మంచి సీన్స్ తో మలిచితే బాగుండు .

సాంకేతిక పరమైన విభాగం:

ఈ చిత్రంలో నిర్మాణ విలువలు బాగున్నాయి. సినిమాలో అవసరానికి తగ్గట్టుగా దిల్ రాజు పెట్టారు. ఇక టెక్నికల్ టీం లో గోపి సుందర్ మ్యూజిక్ చాలా యావరేజ్ గా ఉంది. కే యూ మోహనన్ సినిమాటోగ్రఫీ బాగానే ఉంది. అలాగే మార్తాండ్ కే వెంకటేష్ ఎడిటింగ్ లో కొన్ని రొటీన్ సీన్స్ ని తగ్గించాల్సింది.

ఇక దర్శకుడు పరశురాం పెట్ల విషయానికి వస్తే. ఈ చిత్రం తన కెరీర్ లో కాస్త వీక్ వర్క్ అని చెప్పక తప్పదు. విజయ్ పాత్రని ప్రతి మధ్య తరగతి కుటుంబంలో ఇలాంటి వాడు ఒకడు ఉండాలి అనేలా ప్లాన్ చేసుకున్నారు కానీ దీనిని మూవీ లో ప్రేక్షకులను  డిజప్పాయింట్ చేశారు. మెయిన్ గా తన నుంచి ఉండే ఎంటర్టైనింగ్ మరియు ఎమోషనల్ సీన్స్  ఈ చిత్రంలో బాగా మిస్ అయ్యినట్టు అనిపిస్తుంది. ఏవో చాలా తక్కువ సీన్స్ మినహా సినిమాని తాను బోర్ గానే నడిపించారు.

అభి ప్రాయం  :

ఇక మొత్తంగా చూసినట్టు అయితే ఈ “ది ఫ్యామిలీ స్టార్” లో మెయిన్ లీడ్ పర్వాలేదనిపిస్తారు. అలాగే కొన్ని సీన్స్ కేవలం ఓకే అనిపిస్తాయి కానీ విజయ్, పరశురాం పెట్ల హిట్ కాంబినేషన్ నుంచి అంచనాలు ప్రేక్షకులను కాస్త డిసప్పాయింట్ చేశారు . ఎమోషన్స్ సీన్స్ వర్కవుట్ కాలేదు, కథనం నిరాశపరుస్తుంది. దర్శకుడు ఇంకా కథ, కథనాలు పై వర్క్ చేయాల్సింది.ఈ వీక్లో అయితే ఈ ఫ్యామిలీ స్టార్ మూవీ ఒక్కసారి చూడవచ్చుఅనిపిస్తుంది .