Bharateeyudu2
భారతీయుడు 2 మూవీ : రివ్యూ
విడుదల తేదీ : జూలై 12, 2024
నటీనటులు: కమల్ హాసన్, సిద్ధార్థ్, రకుల్ ప్రీత్ సింగ్, SJ సూర్య, బాబీ సింహా, వివేక్, ప్రియా భవానీ శంకర్, గుల్షన్ గ్రోవర్, సముద్రఖని తదితరులు.
దర్శకులు: ఎస్. శంకర్
నిర్మాత : సుభాస్కరన్ అల్లిరాజా, ఉదయనిధి స్టాలిన్.
సంగీత దర్శకులు: అనిరుధ్ రవిచందర్
సినిమాటోగ్రఫీ: రవి వర్మన్
యూనివర్సల్ స్టార్ కమల్ హాసన్ హీరోగా శంకర్ దర్శకత్వంలో తెరకెక్కిన లేటెస్ట్ మూవీ ‘భారతీయుడు-2’. కాగా ఈ చిత్రం మరి ప్రేక్షకులును ఏ మేరకు అలరిస్తుందో సమీక్షలోకి వెళ్లి తెలుసుకుందాం !
స్టొరీ :
చిత్ర అరవిందన్ (సిద్ధార్థ్) అండ్ ప్రియ భవానీ శంకర్ మరియు అతని స్నేహితులు సమాజంలోని అవినీతి పై, అన్యాయాల పై సోషల్ మీడియాలో వీడియోలు చేస్తూ ప్రజలకు అవగాహన కల్పించే ప్రయత్నం చేస్తుంటారు. ఆ క్రమంలో జరిగిన కొన్ని సంఘటనల తో వారంతా భారతీయుడు మళ్లీ రావాలంటూ పోస్ట్ లు పెడతారు. భారతదేశంలో అవినీతికి వ్యతిరేకంగా పోరాడిన స్వాతంత్ర్య సమరయోధుడు సేనాపతి అలియాస్ భారతీయుడు (కమల్ హాసన్) తిరిగి ఇండియాకి వస్తాడు. దారుణమైన అవినీతి చేసిన వారిని, ప్రజల సొమ్మును దోచుకున్న కొందర్ని భారతీయుడు చంపేస్తాడు. అలాగే యువకులను మోటివేట్ చేస్తాడు. భారతీయుడు మాటలు ప్రభావం కారణంగా చిత్ర అరవిందన్ (సిద్ధార్థ్) తన తల్లిని కోల్పోవటంతో జీవితంలో చాలా విషాదం జరుగుతుంది. దానికి కారణం భారతీయుడే అంటూ అందరూ నిందిస్తారు. ఎందుకు సామాన్య జనం కూడా భారతీయుడి పై కోపం పెంచుకున్నారు ?, ఇంతకీ, భారతీయుడు టార్గెట్ ఏమిటి ? అనేది మిగిలిన కథ.
ఎక్కువ మార్కులు :
సమాజంలో పేరుకుపోయిన అవినీతి, అన్యాయాలను నిర్మూలించటానికి ఆలోచనాత్మకంగా ఎస్టాబ్లిష్ చేస్తూ సాగిన ఈ సినిమాలో భారీ తారాగణంతో పాటు అద్భుతమైన విజువల్స్ మరియు భారీ యాక్షన్ ఎపిసోడ్స్ సీన్ లతో సినిమాకి స్పెషల్ ఎట్రాక్షన్ గా నిలిచాయి. సేనాపతిగా కమల్ హాసన్ ఎప్పటిలాగే తన నటనతో ప్రజలను ఆకట్టుకున్నారు. కమల్ హసన్ పేస్ లుక్ తో సీన్ ను మేస్మరైజ్ చేస్తుంది దాని తో పాటు ఆయనపై వచ్చే యాక్షన్ సీన్స్ కూడా చాలా బాగున్నాయి. అలాగే బ్రేకింగ్ డాగ్స్ అంటూ సాగిన యానిమేషన్ విజువల్స్ కూడా బాగున్నాయి. మొత్తానికి విజువల్ గా ఈ చిత్రం చాలా బాగుంది.
చిత్ర అరవిందన్ పాత్రలో సిద్ధార్థ్ ఒదిగిపోయాడు. సకలకళ వల్లవన్ సర్గుణ పాండియన్గా SJ సూర్య తన పాత్రకు ప్రాణం పోశారు. సిబిఐ ప్రమోద్గా బాబీ సింహా ఆక్షన్ తో ఆకట్టుకున్నాడు. దిశా పాత్రలో రకుల్ ప్రీత్ సింగ్ హుందాగా మెప్పించింది. నటి ప్రియా భవానీ శంకర్ తన పాత్రలో మెరిశారు. మరో కీలక పాత్రలో సముద్రఖని కూడా చాలా బాగా నటించాడు. అలాగే, వివేక్, గుల్షన్ గ్రోవర్ లతో పాటు ఇతర నటీనటులు కూడా తమ పాత్రలకు పూర్తి న్యాయం చేశారు.
మూవీ ని దేశంలోని అవినీతి రాజకీయ నాయకులను, అలాగే అధికారుల అక్రమాలను బహిర్గతం చేస్తూ సాగే ట్రాక్ రూల్ సినిమాలో హైలైట్ గా ఉంది. మూవీ లో భారీ విజువల్స్ తో పాటు గుడ్ ఎమోషన్స్ కూడా బాగా చూపించారు.సమాజంలోని లోటుపాట్లును దర్శకుడు శంకర్ చాలా బాగా చూపించారు. చివర్లో మూడో పార్ట్ కి సంబంధించి రివీల్ చేసిన షాట్స్ కూడా బాగానే ఉన్నాయీ .
తక్కువ మార్కులు :
అవినీతికి వ్యతిరేకంగా పోరాడే స్వాతంత్ర్య సమరయోధుడి కథ గురించి ఆల్ రెడీ భారతీయుడు చిత్రంలోనే చాలా బాగా చూపించారు. దీంతో ఈ సీక్వెల్ లో ప్లాట్ పరంగా, పాత్రల పరంగా ఫ్రెష్ నెస్ మిస్ అయ్యింది. కొత్త దనం కోసం కొన్ని సంఘటనల ఆధారంగా సీన్స్ రాసుకున్నప్పటికీ, వాటిలో ఎలాంటి కొత్తదనం లేదు. దీంతో మూవీ చాలా రెగ్యులర్ గా సాగుతున్న ఫీలింగ్ కలుగుతుంది. అదే విధంగా కొన్ని సన్నివేశాలు బోర్ గా సాగాయి.
ఆ అవినీతి పై భారతీయుడు సాగించే పో రాటం లో కోతదనం లేదు . కానీ, కోతదనం కోసం ఆ కోణంలో ఈ సినిమా ఎక్కువ సేపు సాగకపోవడం కొంత నిరాశను కలిగిస్తోంది. పైగా కమల్ హాసన్ తో పాటు ఈ మూవీలో సిద్ధార్థ్ క్యారెక్టర్ కి కూడా లెంగ్త్ ఎక్కువగా ఉండటం ఫ్యాన్స్ కి రుచించదు. అనిరుధ్ మ్యూజిక్ కూడా గొప్పగా సాగలేదు.కమలహాసన్ (భారతీయుడు ) అవినీతి వ్యక్తులపి సాగించే యుధం లో వారు చేసిన దారుణాలు వివరనాత్మ కంగా లేవు .ప్రేక్షకులకు సంపాదన పరులపై పోరును సాగిoచేల వుంది.
మొత్తానికి ఈ సినిమా కొన్నిచోట్ల బోరింగ్ ప్లేతో సాగింది .
సాంకేతిక పరమైన విభాగం :
టెక్నికల్ గా చూసుకుంటే సినిమాలో సాంకేతిక విభాగం వర్క్ చాలా బాగుంది. అనిరుధ్ రవిచందర్ సంగీతం సినిమాకు ఇంకాస్త ప్లస్ ఐతే బాగుండు అనిపిస్తుంది . రవి వర్మన్ సినిమాటోగ్రఫీ మాత్రం సినిమాకే హైలెట్ గా నిలుస్తోంది. కొన్ని కీలక సన్నివేశాల్లో కెమెరామెన్ పనితనం చాలా బాగుంది. ఎడిటర్ ఎ. శ్రీకర్ ప్రసాద్ ఎడిటింగ్ బాగుంది. సినిమాలోని నిర్మాతలు సుభాస్కరన్ అల్లిరాజా, ఉదయనిధి స్టాలిన్ కాంప్రమైజ్ కాకుండా పాటించిన ప్రొడక్షన్ వాల్యూస్ అద్భుతంగా ఉన్నాయి దర్శకుడు ఎస్. శంకర్ దర్శకత్వపరంగా మాత్రం చాలాబాగా ఆకట్టుకున్నారు. రచన పరంగా మాత్రం ఆకట్టుకోలేకపోయారు.
అభి ప్రాయం :
భారీ అంచనాల మధ్యన వచ్చిన ఈ ‘భారతీయుడు-2’ కమల్ అభిమానులను మాత్రం ఆకట్టుకుంది. అలాగే, శంకర్ మార్క్ విజువల్స్, కమల్ హాసన్ నటన సినిమాకి ప్లస్ అయ్యాయి. అయితే, బోరింగ్ ప్లే, అవుట్ డేటెడ్ సీన్స్ అండ్ పెద్దగా కథ లేకపోవడం, మరియు కొన్ని సన్నివేశాలు రెగ్యులర్ గా సాగడం వంటి అంశాలు సినిమాకి మైనస్ పాయింట్స్ గా నిలిచాయి. ఓవరాల్ గా కమల్ తన లుక్స్ అండ్ పెర్పార్మెన్స్ తో తన అభిమానులను మాత్రమే అలరించారు.
చివరగా : ముఖ్యంగా చిత్ర అరవిందన్ (సిద్ధార్థ్) అండ్ ప్రియ భవానీ శంకర్ మరియు అతని స్నేహితులు.అవినీతిపై సాగించే పోరులో తమ ఫ్యామిలీ మెంబర్స్ కు కుడా శిక్ష విధించే తీరు ప్ర్క్షకులను ఆకట్టు కుంటుంది.
కానీ (భారతీయుడు ) శిక్ష వేసే భడా వ్యాపార వ్యక్తులు (వారు ప్రజలను దోచుకున్న తీరు ను ఇంకాస్త వివరణాత్మకంగా వివరించి వుంటే ) బాగుండు .
ఇక మూవీ కి నిర్మాత పెట్టిన పెట్టుబడి కి డైరెక్టర్ పడిన కష్టానికి ఒక్కసారి ధియేటర్ లో స్క్రీన్ ఫై చుస్తే బాగుంటుంది అనిపిస్తుంది