purushothamudu
విడుదల తేదీ : జూలై 26, 2024
నటీనటులు: రాజ్ తరుణ్, హాసిని సుధీర్, ప్రకాష్ రాజ్, మురళి శర్మ, రమ్య కృష్ణ, బ్రహ్మానందం తదితరులు.
దర్శకులు: రామ్ భీమన
నిర్మాతలు : డా.రమేష్ తేజావత్, ప్రకాష్ తేజావత్.
సంగీత దర్శకుడు: గోపీ సుందర్
సినిమాటోగ్రఫీ: పిజి విందా
ఎడిటర్ : మార్తాండ కె వెంకటేష్.
యంగ్ హీరో రాజ్ తరుణ్ నటించిన తాజా చిత్రం పురుషోత్తముడు. ఈ చిత్రం జూలై 26 2024 విడుదల అయింది. మరి ప్రేక్షకులను ఈ చిత్రం ఏ మేరకు మెప్పిస్తుందో చూడాలి !
స్టొరీ :
మూవీ స్టార్ట్ లో రామ్ (రాజ్ తరుణ్) లండన్ లో చదువు
ముగించుకుని ఇండియాకి వస్తాడు. అతని తండ్రి (మురళి శర్మ) తమ కంపెనీకి రామ్ ని
సీఐవో గా చేయాలని నిర్ణయం తీసుకుంటాడు. అయితే, ఆ కంపెనీలో 50 % షేర్ ఉన్న రామ్
పెద్దమ్మ వసు (రమ్యకృష్ణ) ఒప్పుకోదు. కంపెనీ నిబందన ప్రకారం రామ్ సీఐవో అవ్వాలంటే 100 రోజులు పాటు
అజ్ఞాతంలో ఉండాలని, ఓ సామాన్యుడిలా బతకాలనే షరతు ఉన్న విషయాన్ని గుర్తు చేస్తారు. ఆ
షరతుకి రామ్ ఒప్పుకుంటాడు. ఆ తర్వాత రామ్ జీవితం లో జరిగే సంఘటనలు ఎన్ని మలుపులు తిరిగింది ?, రామ్ జీవితంలోకి
అమ్ములు (హాసిని సుధీర్) ఎలా ప్రవేశించినది ?, చివరకు తమ
కంపెనీకి రామ్ సీఐవో అయ్యాడా? లేదా ? అనేది మిగిలిన
కథ.
ఎక్కువ మార్కులు :
ఓక కోటీశ్వరుడైన యంగ్ కిడ్
రియల్ లైఫ్ లో హీరోగా మారే క్రమంలో వచ్చే డ్రామాలోని కొన్ని ఎలివేషన్ సీన్స్, యాక్షన్ సీన్స్
మరియు ఇంటర్వెల్ సీక్వెన్స్ బాగున్నాయి. మరియు సినిమాలో కాస్త వినోదంతో పాటు కొన్ని ఎమోషనల్ సెంటిమెంట్
సీన్స్ కూడా ఆకట్టుకున్నాయి. ఈ సినిమాలో హీరోగా నటించిన రాజ్ తరుణ్ తన నటనతో, తన బాడీ
లాంగ్వేజ్ తో మరియు యాక్షన్ సీక్వెన్స్ స్ లో చాలా బాగా నటించాడు. అలాగే
క్లిష్టమైన కొన్ని కీలక సన్నివేశాల్లో కూడా రాజ్ తరుణ్ నటన సినిమాకే ప్రత్యేక
ఆకర్షణగా నిలుస్తోంది.
హీరోయిన్ హాసిని సుధీర్ కూడా తన
గ్లామర్ నటన తో అలరించింది. కొన్ని ప్రేమ సన్నివేశాల్లో కూడా ఆమె నటన బాగుంది.
సినిమాలో మరో కీలకమైన పాత్రలో నటించిన రమ్యకృష్ణ కూడా ఉన్నత కుటుబంలో తన పాత్రకి
పూర్తి న్యాయం చేశారు. మరో కీలక పాత్రలో మురళీశర్మ కూడా తన నటనతో ప్ర్క్షకులను ఆకట్టుకున్నారు.
క్లైమాక్స్ లో ప్రకాష్ రాజ్ కూడా ఎమోషనల్ సీన్స్ తో చాలా బాగా నటించాడు.
బ్రహ్మానందం చిన్న పాత్రతో మేనరిజమ్స్ ను పండిచాడు . ఆయన కామెడీ టైమింగ్ కూడా
అలరిస్తోంది. అలాగే, మిగిలిన నటీనటులు కూడా తమ పాత్ర పరిధి మేరకు బాగా నటించారు.
తక్కువ మార్కులు :
ఈ పురుషోత్తముడు కథకు మెయిన్
పాయింట్ లో మ్యాటర్ ఉన్నప్పటికీ.. ఆ పాయింట్ కి తగ్గట్టు స్క్రీన్ ప్లే
రాసుకోవడంలో దర్శకుడు రామ్ భీమన కొన్ని చోట్ల తడబడ్డాడు. అసలు ఇలాంటి కాన్సెప్ట్
తీసుకున్నప్పుడు ఆ కాన్సెప్ట్ కి తగ్గట్టు సినిమాని ఆద్యంతం ఉత్కంఠ రేకెత్తిస్తూ
ప్లే ఫుల్ ఫన్ తో సాగితే బాగుండేది. కానీ, ఫస్ట్ హాఫ్ లో
ఉన్న ఇంట్రెస్టింగ్ ఎలిమెంట్స్ కాస్త సెకండ్ హాఫ్ లో మిస్ అయ్యాయి. ఫస్ట్ హాఫ్
కంటే సెకండ్ హాఫ్ గ్రాఫ్ పెరగాలి కానీ, తగ్గకూడదు. కానీ
ఈ పురుషోత్తముడు సినిమాలో సెకండ్ హాఫ్ ఆశించిన స్థాయిలో లేదు.
అసలు ఈ డిజిటల్ వరల్డ్ లో పూలు
పండించే రైతుల సమస్యలను మరీ ఇంత సినిమాటిక్ గా చూపించడం బాగాలేదు. (ఎ మూవీ చూ సిన రైతు సమస్య లగురించే) మిగతా ప్రపంచ మే లేనట్టుగా
ఈ క్రమంలో వచ్చే కొన్ని సన్నివేశాలు
పేలవంగా సాగుతాయి. దీనికితోడు లాజిక్స్ కూడా ఎక్కడా కనిపించవు. అలాగే
హీరోహీరోయిన్ల మధ్య ప్రేమకు సంబంధించిన ట్రాక్ కు కూడా సరైన బలం లేదు.మరియు రామ్
(రాజ్ తరుణ్) పేస్ కట్ సరిగా చూపించ లేదు పేస్ లుకింగ్ కి (బ్లాక్ స్పేడ్స్ )
సరిగా సెట్ కాలేదు .హీరొయిన్ తండ్రి హీరో
మోసంచేసినాడని చెంపమీద కొట్టటం (ఆ సీన్ కరెక్టు కాదు )
ఇక ఫస్ట్ హాఫ్ లో కొన్ని చోట్ల ఫన్ బాగానే
పేలింది. అయితే, ఆ ఫన్ ను కూడా దర్శకుడు సెకండ్ హాఫ్ లో కంటిన్యూ చేయలేకపోయాడు.
దీంతో, సెకండ్ హాఫ్ బోర్ కొట్టిన ఫీలింగ్ కలుగుతుంది.ఇక మూవీ ఎండ్డింగ్ ను
ముగించట౦ లో దర్శకుడు కాస్త తొందర పడ్డాడు .చివరగా హీరో హీరోయిన్ కలిసే సన్నీ వేశం
కూడా ఆదర బాదరాగా మూవిని ముగించాడు చివరగా
ఇంకాస్త సెంటిమెంట్ ను జోడిస్తే బాగుండు. .
సాంకేతిక పరమైన విభాగం
:
టెక్నికల్ గా చూసుకుంటే..
సినిమాలో సాంకేతిక విభాగం వర్క్ బాగానే ఉంది. ముఖ్యంగా గోపీ సుందర్ సంగీతం
సినిమాకు మంచి ప్లస్ అయింది. మరియు పిజి విందా సినిమాటోగ్రఫీ వర్క్ కూడా సినిమాకి
హైలైట్ గా నిలిచింది. ఎడిటర్ ఎడిటింగ్ సినిమాకి తగ్గట్టు ఉంది. ఇక ఈ సినిమాలో
నిర్మాతలు డా.రమేష్ తేజావత్, ప్రకాష్ తేజావత్ పాటించిన
ప్రొడక్షన్ వాల్యూస్ చాలా బాగున్నాయి.
అభి ప్రాయం :
పురుషోత్తముడు అంటూ వచ్చిన ఈ
చిత్రంలో మెయిన్ కాన్సెప్ట్, మరియు కొన్ని కామెడీ సీన్స్
అండ్ యాక్షన్ సీన్స్ పర్వాలేదు అనిపిస్తాయి . అయితే, ఇంట్రెస్టింగ్ గా
సాగని ట్రీట్మెంట్ తో పాటు మెయిన్ క్యారెక్టైజేషన్స్ బలహీనంగా ఉండటం, పైగా సెకండ్ హాఫ్
ఆశించిన స్థాయిలో లేకపోవడం వంటి అంశాలు సినిమా ఫలితాన్ని దెబ్బ తీశాయి. ఐతే, రాజ్ తరుణ్ తో
పాటు రమ్యకృష్ణ – ప్రకాష్ రాజ్ స్క్రీన్ అప్పియరెన్స్ సినిమాకు ప్లస్ అయ్యాయి. కానీ, ఓవరాల్ గా ఈ
చిత్రం ప్రేక్షకులను ఎంతవరకు ఆకట్టుకుంటుందో వేచి చూడాలి . చిన్న బడ్జెట్
మూవీ ఐనా ఒక్కసారి మూవీ ని చూసి ఎం జాయ్
చేయవచ్చు .